ਜੰਗਲ ਦੇ ਵਿਚ ਰੁੱਖ ਹਜ਼ਾਰਾਂ
Jungle De Vich Rukh Hazara
ਪੰਛੀ ਬੈਠੇ ਬੰਨ੍ਹ ਕਤਾਰਾਂ
ਜੰਗਲ ਦੇ ਵਿਚ ਰੁੱਖ ਹਜ਼ਾਰਾਂ
ਕੋਇਲ ਗੀਤ ਸੁਰੀਲੇ ਗਾਵੇ
ਮੋਰ ਦੇਖ ਲਓ ਪੈਲਾਂ ਪਾਵੇ
ਫੁੱਲ ਵੀ ਲੈ ਕੇ ਆਏ ਬਹਾਰਾਂ
ਜੰਗਲ ਦੇ ਵਿਚ…
ਉੱਡਦੀਆਂ-ਉੱਡਦੀਆਂ ਦੂਰੋਂ ਆਈਆਂ
ਚੋਗਾ ਬੋਟਾਂ ਲਈ ਲਿਆਈਆਂ
ਚਿੜੀਆਂ, ਘੁੱਗੀਆਂ ਅਤੇ ਗੁਟਾਰਾਂ
ਜੰਗਲ ਦੇ ਵਿਚ..
ਇੱਲ, ਨੀਲਕੰਠ, ਘੋਗੜ ਕਾਂ
ਮਾਨਣ ਰੁੱਖ ਦੀ ਠੰਢੀ ਛਾਂ
ਬੁਣੇ ਆਲ੍ਹਣਾ ਦਸਤਕਾਰਾਂ
ਜੰਗਲ ਦੇ ਵਿਚ…
ਪੰਛੀ ਹੋਰ ਵੀ ਬੇਸ਼ੁਮਾਰ
‘ਰਾਜੀ’ ਸੋਹਣਾ ਇਹ ਸੰਸਾਰ
ਉੱਡਣ ਕੂੰਜਾਂ ਦੀਆਂ ਡਾਰਾਂ
ਜੰਗਲ ਦੇ ਵਿਚ…
0 Comments