ਅੰਗਹੀਣ ਤੇ ਦੂਜੇ ਬੱਚੇ
Angheen Te Dujje Bache
ਅੰਗਹੀਣ ਤੇ ਦੂਜੇ ਬੱਚੇ
ਇਕ ਰੁੱਖ ਦੇ ਅਸੀਂ ਹਾਂ ਪੱਤੇ
ਜੀਣ ਦੇ ਬੇਸ਼ੱਕ ਵੱਖਰੇ ਢੰਗ ਨੇ
ਇਹ ਮੇਰੇ ਸਮਾਜ ਦੇ ਅੰਗ ਨੇ
ਇਹਨਾਂ ਅੰਦਰ ਵੀ ਨੇ ਸੁਪਨੇ
ਪੁੱਛ ਕੇ ਦੇਖ ਨਾ ਹੰਝੂ ਰੁਕਣੇ
ਬੇਸ਼ੱਕ ਸਾਡੇ ਲਈ ਅਪੰਗ ਨੇ
ਇਹ ਮੇਰੇ ਸਮਾਜ…
ਕੀ ਹੋਇਆ ਕੁਝ ਕਹਿ ਨਹੀਂ ਸਕਦੇ
ਆਪਣਾ ਹੱਕ ਵੀ ਲੈ ਨਹੀਂ ਸਕਦੇ
ਪਰ ਲੜਦੇ ਜ਼ਿੰਦਗੀ ਦੀ ਜੰਗ ਨੇ
ਇਹ ਮੇਰੇ ਸਮਾਜ...
ਜਿਸਮ ਦਾ ਹਿੱਸਾ ਹੋਏ ਬਿਮਾਰ
ਕੀ ਉਸ ਨੂੰ ਨਹੀਂ ਕਰਦੇ ਪਿਆਰ
ਇਹ ਸਾਰੇ ਕੁਦਰਤ ਦੇ ਰੰਗ ਨੇ
ਇਹ ਮੇਰੇ ਸਮਾਜ...
ਤੇਰੇ ਤਾਂ ਅੰਗ ਪੈਰ ਨੇ ਪੂਰੇ
ਫਿਰ ਵੀ ਰਾਤ ਦਿਨੇ ਤੂੰ ਭੂਰੇ
ਤੇਰੇ ਕੌਤਕ ਦੇਖ ਕੇ ਦੰਗ ਨੇ
ਇਹ ਮੇਰੇ ਸਮਾਜ…
0 Comments