Punjabi Kavita/Poem "Papa Ji Menu Devo Chutti" "ਪਾਪਾ ਜੀ ਮੈਨੂੰ ਦੇਵੋ ਝੂਟੀ" for kids and Students in Punjabi Language.

 ਪਾਪਾ ਜੀ ਮੈਨੂੰ ਦੇਵੋ ਝੂਟੀ 
Papa Ji Menu Devo Chutti

ਮੰਮੀ ਜੀ ਤੋਂ ਫੜਕੇ ਭੱਜਾ 

ਆਹ ਲਓ ਰੋਟੀ ਵਾਲਾ ਡੱਬਾ 

ਪਾਪਾ ਜੀ ਮੈਨੂੰ ਦੇਵੋ ਝੂਟੀ

ਜਾਣਾ ਉਸ ਤੋਂ ਬਾਅਦ ਡਿਊਟੀ

ਗੋਦੀ ਚੁੱਕ ਕੇ ਕਰੋ ਪਿਆਰ

ਦੇਖੋ ਮੈਂ ਵੀ ਹੋ ਗਿਆ ਤਿਆਰ

ਖ਼ੂਬ ਨਹਾਇਆ ਖੋਲ੍ਹ ਕੇ ਟੂਟੀ 

ਪਾਪਾ ਜੀ...

ਚਲ ਸਕੂਟਰ ਸਾਫ਼ ਕਰਾਵਾਂ

ਪਿੱਛੇ ਬੈਠੋ ਮੈਂ ਚਲਾਵਾਂ

ਕਿੰਨਾ ਲੱਗਦਾ ਹਾਂ ਬਿਊਟੀ

ਪਾਪਾ ਜੀ...

ਮਾਂ ਬਾਪ ਦੀ ਨੰਨ੍ਹੀ ਜਾਨ

ਵੰਡਦੀ ਵਿਹੜੇ ਵਿਚ ਮੁਸਕਾਨ

ਫੁੱਲਾਂ ਦੀ ਜਿਵੇਂ ਕੋਮਲ ਬੂਟੀ 

ਪਾਪਾ ਜੀ...

‘ਬਾਏ ਪਾਪਾ’ ਜਲਦੀ ਆਉਣਾ 

ਭੁੱਲ ਨਾ ਜਾਣਾ ਨਵਾਂ ਖਿਡੌਣਾ 

ਲੈ ਕੇ ਆਇਓ ਇਕ ਫਰੂਟੀ 

ਪਾਪਾ ਜੀ...