Punjabi Kavita/Poem "Kali Badli" "ਕਾਲੀ ਬੱਦਲੀ " for kids and Students in Punjabi Language.

 ਕਾਲੀ ਬੱਦਲੀ 

Kali Badli

ਅੰਬਰ ਦੇ ਵਿਚ ਕਾਲੀ ਬੱਦਲੀ ਫਿਰਦੀ ਗੋਤੇ ਖਾਂਦੀ ਹੈ 

ਦਿਲ ਕਰਦਾ ਹੈ ਵੇਖੀ ਜਾਵਾਂ ਕਿੰਨਾ ਮਨ ਨੂੰ ਭਾਂਦੀ ਹੈ

ਲਾਉਂਦੀ ਪੰਛੀਆਂ ਵਾਂਗ ਉਡਾਰੀ

ਇਹ ਤਾਂ ਲਗਦੀ ਬਹੁਤ ਪਿਆਰੀ 

ਜਿਧਰ ਨੂੰ ਵੀ ਹਵਾ ਹੋ ਜਾਵੇ,

ਉਧਰ ਨੂੰ ਉਡ ਜਾਂਦੀ ਹੈ ... 

ਅੰਬਰ ਦੇ ਵਿਚ…..

ਇਸ ਬੱਦਲੀ ਵਿਚ ਭਰਿਆ ਪਾਣੀ

ਇਸ ਨੇ ਵਰਖਾ ਹੈ ਵਰਸਾਣੀ

ਸਾਉਣ ਮਹੀਨੇ ਕੁਦਰਤ ਦੇਖੋ,

ਗੀਤ ਖ਼ੁਸ਼ੀ ਦੇ ਗਾਂਦੀ ਹੈ

ਅੰਬਰ ਦੇ ਵਿਚ….

ਇਹ ਤਾਂ ਕਿਣਮਿਣ-ਕਿਣਮਿਣ ਕਰਦੀ

ਆਸਮਾਨ ਵਿਚ ਫਿਰਦੀ ਤਰਦੀ

ਮੁੜ-ਮੁੜ ਸਾਡੇ ਕੋਠੇ ਉਤੇ

ਆ ਕੇ ਇਹ ਮੀਂਹ ਪਾਂਦੀ ਹੈ

ਅੰਬਰ ਦੇ ਵਿਚ….