Punjabi Kavita/Poem "Hadwana" "ਹਦਵਾਣਾ" for kids and Students in Punjabi Language.

ਹਦਵਾਣਾ 
Hadwana

ਝੋਟੇ ਦੇ ਸਿਰ ਜਿੱਡਾ ਬਾਪੂ

ਲੈ ਕੇ ਆਇਆ ਇਕ ਹਦਵਾਣਾ 

ਸਾਰਾ ਟੱਬਰ ਆਖਣਾ ਲੱਗਾ 

ਮੈਂ ਵੀ ਖਾਣਾ, ਮੈਂ ਵੀ ਖਾਣਾ

ਬੇਬੇ ਚਾਕੂ ਚੁੱਕ ਲਿਆਈ

ਫਾੜੀਆਂ ਕਰਕੇ ਢੇਰੀ ਲਾਈ

ਮੂੰਹ 'ਤੇ ਜੀਭਾਂ ਫੇਰਨ ਲੱਗਾ 

ਹਰ ਕੋਈ ਵੱਡਾ ਅਤੇ ਨਿਆਣਾ 

ਲੈ ਕੇ ਆਇਆ...

ਨਿੱਕੇ-ਵੱਡੇ ਆਵਣ ਨੱਠੇ

ਥਾਲੀ ਕੋਲੇ ਹੋ ਗਏ 'ਕੱਠੇ

ਕਿਸੇ ਦੇ ਹੱਥਾਂ 'ਚ ਚਮਚਾ ਫੜਿਆ

ਕੋਈ ਬੈਠਾ ਗਾਵੇ ਗਾਣਾ 

ਲੈ ਕੇ ਆਇਆ…

ਲਾਲ-ਲਾਲ ਤੇ ਸੋਹਣਾ-ਸੋਹਣਾ 

ਵਾਹ ਹਦਵਾਣਾ ਹੈ ਮਨਮੋਹਣਾ 

‘ਰਾਜੀ’ ਵੀ ਜ਼ਿੱਦ ਕਰਕੇ ਬੈਠਾ 

ਬਿਨ ਖਾਧੇ ਮੈਂ ਕਿਤੇ ਨਾ ਜਾਣਾ 

ਲੈ ਕੇ ਆਇਆ ..