Punjabi Kavita/Poem "Dharti Mere Desh Di" "ਧਰਤੀ ਮੇਰੇ ਦੇਸ਼ ਦੀ" for kids and Students in Punjabi Language.

 ਧਰਤੀ ਮੇਰੇ ਦੇਸ਼ ਦੀ 
Dharti Mere Desh Di

ਕਣ ਕਣ ਵਿਚੋਂ ਉਸਦੀ ਇਸਦੇ ਹਰਿਆਲੀ 

ਧਰਤੀ ਮੇਰੇ ਦੇਸ਼ ਦੀ ਹੈ ਭਾਗਾਂ ਵਾਲੀ

ਠੰਢੀਆਂ ਠੰਢੀਆਂ ਵਗਦੀਆਂ ਨੇ ਜਦੋਂ ਹਵਾਵਾਂ 

ਕਰਦਾ ਹੈ ਦਿਲ ਖ਼ੁਸ਼ੀ ਦੇ ਫਿਰ ਗੀਤ ਮੈਂ ਗਾਵਾਂ 

ਸਾਰੇ ਪਾਸੇ ਨੱਚਦੀ ਇਸਦੇ ਖ਼ੁਸ਼ਹਾਲੀ 

ਧਰਤੀ ਮੇਰੇ…

ਏਕੇ ਵਾਲੇ ਬੀਜ ਨੂੰ ਅਸੀਂ ਪਾਉਣਾ ਪਾਣੀ 

ਆਪਸ ਦੇ ਵਿਚ ਸਾਰਿਆਂ ਨੇ ਸਾਂਝ ਵਧਾਣੀ 

ਦੇਸ਼ ਮੇਰੇ ਤੋਂ ਕਰ ਦਿਆਂਗੇ ਦੂਰ ਕੰਗਾਲੀ 

ਧਰਤੀ ਮੇਰੇ ...

ਇਸ ਮਿੱਟੀ ਵਿਚ ਪਲੇ ਨੇ ਲੱਖਾਂ ਪਰਵਾਨੇ

ਥਰ-ਥਰ ਵੈਰੀ ਕੰਬਦੇ ਸਾਡੇ ਹੁਣ ਤਰਾਨੇ 

ਜਾਨ ਵਾਰ ਕੇ ਸੂਰਮੇ ਕਰਦੇ ਰਖਵਾਲੀ 

ਧਰਤੀ ਮੇਰੇ…

‘ਰਾਜੀ’ ਲਲਤੋਂ ਦੇਸ਼ ਨੂੰ ਅਸੀਂ ਚੁੱਕਣਾ ਉੱਤੇ 

ਮਾਣ ਬਥੇਰਾ ਅਸਾਂ ਨੂੰ ਸਾਡੇ ਭਾਰਤ ਉੱਤੇ

ਸਾਰੇ ਜੱਗ ਤੋਂ ਏਸ ਦੀ ਹੈ ਸ਼ਾਨ ਨਿਰਾਲੀ 

ਧਰਤੀ ਮੇਰੇ…..