Punjabi Kavita/Poem "Badal Aaawe" "ਬੱਦਲ ਆਵੇ" for kids and Students in Punjabi Language.

 ਬੱਦਲ ਆਵੇ 
Badal Aaawe

ਬੱਦਲ ਆਵੇ ਮੀਂਹ ਲਿਆਵੇ 

ਮੌਸਮ ਸੋਹਣਾ ਹੁੰਦਾ ਜਾਵੇ

ਪਾਣੀ ਦੇ ਨਾਲ ਗਲੀਆਂ ਭਰੀਆਂ

ਝੂਮਣ ਫ਼ਸਲਾਂ ਹਰੀਆਂ ਹਰੀਆਂ

ਸਾਰੀ ਧਰਤੀ ਹੀ ਲਹਿਰਾਵੇ

ਬੱਦਲ ਆਵੇ…

ਘਟਾਂ ਕਾਲੀਆਂ ਮੋਰ ਬੋਲਦਾ

ਲਾ ਕੇ ਪੂਰਾ ਜ਼ੋਰ ਬੋਲਦਾ

ਖ਼ੁਸ਼ੀਆਂ ਦੇ ਉਹ ਗੀਤ ਸੁਣਾਵੇ 

ਬੱਦਲ ਆਵੇ...

ਝੜੀ ਸਾਉਣ ਦੀ ਜਦ ਵੀ ਲੱਗੇ 

ਮੀਂਹ 'ਚ ਨਹਾ ਕੇ ਦਿਲ ਨਾ ਰੱਜੇ

ਨਹਾਉਣ ਤੋਂ ਕੋਈ ਨਾ ਹਟਾਵੇ 

ਬੱਦਲ ਆਵੇ...

ਤੇਜ਼-ਤੇਜ਼ ਕਦੇ ਆਉਣ ਛਰ੍ਹਾਏ

ਵਗਦੀ ਪੌਣ ਵੀ ਮਾਰੇ ਫਰਾਟੇ

ਕੁਦਰਤ ਸਾਰੀ ਖ਼ੁਸ਼ੀ ਮਨਾਵੇ

ਬੱਦਲ ਆਵੇ