Punjabi Kavita/Poem "Bache Rab Da Roop" "ਬੱਚੇ ਰੱਬ ਦਾ ਰੂਪ" for kids and Students in Punjabi Language.

 ਬੱਚੇ ਰੱਬ ਦਾ ਰੂਪ 
Bache Rab Da Roop

ਪੜ੍ਹਨਾ ਲਿਖਣਾ ਅਤੇ ਖੇਡਣਾ ਬਚਪਨ ਦੇ ਅਧਿਕਾਰ 

ਨਿੱਕੀ ਉਮਰੇ ਬਾਲਾਂ 'ਤੇ ਨਾ ਪਾਵੇ ਕੰਮ ਦਾ ਭਾਰ

ਬੱਚੇ ਰੱਬ ਦਾ ਰੂਪ ਹੁੰਦੇ ਨੇ, ਇਹ ਗੱਲ ਕਹਿੰਦੇ ਸਾਰੇ 

ਦੁੱਖ ਹੁੰਦਾ ਏ ਭਾਂਡੇ ਮਾਂਜਦੇ, ਦੇਖਾਂ ਜਦੋਂ ਵਿਚਾਰੇ 

ਇਹ ਨੇ ਸਾਡੇ ਹੱਕ ਅੰਮੀਏ ! ਡਾਕਾ ਨਾ ਤੂੰ ਮਾਰ 

ਪੜ੍ਹਨਾ ਲਿਖਣਾ…

ਚਾਹੀਦੀਆਂ ਸੀ ਜਿਨ੍ਹਾਂ ਹੱਥਾਂ ਦੇ ਵਿਚ ਕਲਮ ਦਵਾਤਾਂ 

ਭੀਖ ਮੰਗਦੇ ਫਿਰਦੇ ਨੇ ਉਹ, ਕੈਸੀਆਂ ਮਿਲੀਆਂ ਦਾਤਾਂ 

ਸੋਚੋ ਕੁਝ ਤਾਂ ਦੁਨੀਆਂ ਵਾਲਿਓ, ਬੱਚੇ ਕਰਨ ਪੁਕਾਰ 

ਨਿੱਕੀ ਉਮਰੇ…

ਕੱਚਾ ਕੋਠਾ ਤੰਗ ਵਿਹੜੇ ਵਿਚ ਪੰਦਰਾਂ ਫਿਰਨ ਨਿਆਣੇ

ਥੱਕ ਹਾਰ ਕੇ ਸੌਂ ਜਾਂਦੇ ਨੇ ਰਾਤੀਂ ਭੁੱਖਣ ਭਾਣੇ

ਕਿੰਨਾ ਚੰਗਾ ਹੁੰਦਾ ਰੱਖਦੇ, ਜੇ ਛੋਟਾ ਪਰਿਵਾਰ 

ਨਿੱਕੀ ਉਮਰੇ ..

ਬੋਝ ਕੰਮ ਦਾ ਹੋਣ ਨਾ ਦੇਵੇ, ਬੱਚੇ ਦਾ ਪੂਰਾ ਵਿਕਾਸ 

ਫੁੱਲਾਂ ਵਰਗੇ ਚਿਹਰੇ ਨੂੰ ਕਿਉਂ ਹੋਣਾ ਪਏ ਉਦਾਸ 

ਗਰੇਵਾਲ ਪਿਆ ਆਖੇ ਬੰਦਿਆ, ਕੁਝ ਤਾਂ ਸੋਚ ਵਿਚਾਰ 

ਨਿੱਕੀ ਉਮਰੇ……