Punjabi Moral Story on "Swarthi Mitra", "ਸੁਆਰਥੀ ਮਿੱਤਰ" for Kids and Students for Class 5, 6, 7, 8, 9, 10 in Punjabi Language.

ਸੁਆਰਥੀ ਮਿੱਤਰ 
Swarthi Mitra

ਬਹੁਤ ਪੁਰਾਣੀ ਗੱਲ ਹੈ ਕਿ ਇਕ ਸ਼ਹਿਰ ਵਿੱਚ ਦੋ ਨੌਜਵਾਨ ਰਹਿੰਦੇ ਸਨ ਜਿਹੜੇ ਕਿ ਪੱਕੇ ਦੋਸਤ ਸਨ । ਉਹਨਾਂ ਨੇ ਆਪਣੇ ਸ਼ਹਿਰ ਵਿੱਚ ਕੰਮ-ਧੰਦਾ ਲੱਭਣ ਦੀ ਕੋਸ਼ਿਸ਼ ਕੀਤੀ ਲੇਕਿਨ ਕਾਮਯਾਬ ਨਹੀਂ ਹੋਏ । ਉਹਨਾਂ ਨੇ ਜਿਸ ਸ਼ਹਿਰ ਵਿੱਚ ਜਾਣਾ ਸੀ ਉਸ ਦੇ ਰਾਹ ਵਿੱਚ ਇਕ ਜੰਗਲ ਪੈਂਦਾ ਸੀ । ਦੋਵੇਂ ਮਿੱਤਰ ਜਦੋਂ ਜੰਗਲ ਵਿੱਚ ਜਾ ਰਹੇ ਸਨ ਤਾਂ ਉਹਨਾਂ ਨੂੰ ਇਕ ਰਿੱਛ ਆਉਂਦਾ ਨਜ਼ਰ ਆਇਆ । ਰਿੱਛ ਨੂੰ ਵੇਖ ਕੇ ਦੋਵੇਂ ਮਿੱਤਰ ਡਰ ਗਏ । ਉਹ ਸੋਚਣ ਲੱਗੇ ਹੁਣ ਕੀ ਕੀਤਾ ਜਾਵੇ । ਉਹਨਾਂ ਵਿਚੋਂ ਇਕ ਮਿੱਤਰ ਨੂੰ ਦਰਖ਼ਤ ਤੇ ਚੜਨਾ ਆਉਂਦਾ ਸੀ ਤੇ ਉਹ ਝੱਟ ਦੇਣੇ ਦਰਖ਼ਤ ਤੇ ਚੜ੍ਹ ਗਿਆ। ਦੂਜੇ ਮਿੱਤਰ ਨੂੰ ਦਰਖ਼ਤ ਤੇ ਚਨਾ, ਨਹੀਂ ਸੀ ਆਉਂਦਾ । ਇਸ ਲਈ ਸਾਹ ਰੋਕ ਕੇ ਜਮੀਨ ਤੇ ਲੇਟ ਗਿਆ । ਏਨੇ ਚਿਰ ਭਾਲੂ ਉਸ ਦੇ ਨੇੜੇ ਆ ਗਿਆ । ਰਿੱਛ ਨੇ ਉਸ ਨੌਜਵਾਨ ਨੂੰ ਸੁੰਘਿਆ ਅਤੇ ਅੱਗੇ ਚਲਾ ਗਿਆ ।

ਪਹਿਲਾ ਮਿੱਤਰ ਦਰਖ਼ਤ ਤੋਂ ਹੇਠਾਂ ਆਇਆ ਤੇ ਉਸ ਨੂੰ ਪੁੱਛਣ ਲੱਗਾ ਕਿ ਰਿੱਛ ਨੇ ਉਸ ਦੇ ਕੰਨ ਵਿੱਚ ਕੀ ਕਿਹਾ ਸੀ । ਦੁਜੇ ਮਿੱਤਰ ਨੇ ਜੁਆਬ ਦਿੱਤਾ ਕਿ ਉਹ ਕਹਿ ਰਿਹਾ ਸੀ ਕਿ ਸੁਆਰਥੀ ਮਿੱਤਰ ਤੋਂ ਬਚ ਕੇ ਰਹੋ । 

ਸਿੱਖਿਆ :- ਦੋਸਤ ਉਹ ਜਿਹੜਾ ਮੁਸੀਬਤ ਵੇਲੇ ਕੰਮ ਆਵੇ ।