ਬਗੁਲਾ ਤੇ ਕੇਕੜਾ
Bagula Te Kekada
ਇਕ ਨਦੀ ਵਿੱਚ ਇਕ ਬਗੁਲਾ ਰਹਿੰਦਾ ਸੀ। ਉਹ ਬੁੱਢਾ ਹੋ ਚੁੱਕਿਆ ਸੀ ਉਸ ਕੋਲੋਂ ਹੁਣ ਮੱਛੀਆਂ ਨਹੀਂ ਸੀ ਫੜੀਆਂ ਜਾਂਦੀਆਂ | ਬਗਲੇ ਨੇ ਚਾਲਾਕੀ ਨਾਲ ਮੱਛੀਆਂ ਫੜਨ ਦੀ ਸੋਚੀ । ਉਸ ਨੇ ਪਾਣੀ ਵਿੱਚ ਘੁੰਮ ਰਹੇ ਕੇਕੜੇ ਨੂੰ ਕਿਹਾ ਕਿ ਮੈਂ ਮਛੇਰਿਆਂ ਨੂੰ ਕੱਲ ਪਾਣੀ ਵਿੱਚ ਜਾਲ ਪਾਉਣ ਬਾਰੇ ਸੁਣਿਆ ਹੈ । ਕੇਕੜੇ ਨੇ ਸਾਰੀ ਗੱਲ ਮੱਛੀਆਂ ਅਤੇ ਡੱਡੂਆਂ ਨੂੰ ਜਾ ਦੱਸੀ । ਬਗਲੇ ਨੇ ਉਹਨਾਂ ਨੂੰ ਕਿਹਾ ਇਥੋਂ ਥੋੜੀ ਦੂਰ ਇਕ ਤਲਾਅ ਮੈਂ ਸਭ ਨੂੰ ਵਾਰੀ ਵਾਰੀ ਉਥੇ ਛੱਡ ਆਵਾਂਗਾ | ਬਗੁਲਾ ਰੋਜ਼ ਇਕ ਮੱਛੀ ਫੜਦਾ ਤੇ ਉਸ ਨੂੰ ਮਾਰ ਕੇ ਖਾ ਜਾਂਦਾ | ਇਕ ਦਿਨ ਕੇਕੜੇ ਨੇ ਵੀ ਤਲਾਅ ਤੇ ਜਾਣ ਦਾ ਫੈਸਲਾ ਕੀਤਾ | ਬਗੁਲਾ ਉਸ ਨੂੰ ਵੀ ਲੈ ਉੱਡਿਆ ।
ਜਦੋਂ ਕੇਕੜਾ ਉਸ ਤਲਾਅ ਕੋਲ ਪੁੱਜਿਆ ਤਾਂ ਉਸ ਨੇ ਹੇਠਾਂ ਮੱਛੀਆਂ ਅਤੇ ਡੱਡੂਆਂ ਦੀ, ਹੱਡੀਆਂ ਵੇਖੀਆਂ ਤਾ ਸਾਰੀ ਗੱਲ ਸਮਝ ਗਿਆ| ਉਸ ਨੇ ਤੇਜੀ ਨਾਲ ਉਸ ਬਗੁਲੇ ਦੀ ਗਰਦਨ ਤੇ ਆਪਣੇ ਦੰਦ ਮਾਰੇ ਤੇ ਉਸ ਨੂੰ ਜਾਨੋਂ ਮਾਰ ਦਿੱਤਾ | ਵਾਪਸ ਆ ਕੇ ਉਸ ਨੇ ਇਹ ਖ਼ਬਰ ਆਪਣੇ ਸਾਥੀਆਂ ਨੂੰ ਸੁਣਾਈ । ਹੁਣ ਉਹ ਸਾਰੇ ਖੁਸ਼ੀ ਨਾਲ ਉਸ ਨਦੀ ਵਿੱਚ ਰਹਿਣ ਲੱਗੇ ।
0 Comments