ਵਾਰ ਗਏ ਜ਼ਿੰਦਗਾਨੀ
Vaar Gaye Zindgani
ਵਾਰ ਗਏ ਜ਼ਿੰਦਗਾਨੀ ਉਹ ਦੇਸ਼ ਵਾਸਤੇ
ਕਰ ਗਏ ਨੇ ਕੁਰਬਾਨੀ ਉਹ ਦੇਸ਼ ਵਾਸਤੇ
ਉਨ੍ਹਾਂ ਦਾ ਵੀ ਦਿਲ ਕਰਦਾ ਸੀ
ਸੋਹਣੀ ਜ਼ਿੰਦਗੀ ਜੀਵਣ ਦੇ ਲਈ
ਪਰ ਅਣਖੀ ਮਜ਼ਬੂਰ ਬੜੇ ਸੀ
ਘੁੱਟ ਸਬਰਾਂ ਦਾ ਪੀਵਣ ਦੇ ਲਈ
ਦੇ ਗਏ ਯਾਦ ਨਿਸ਼ਾਨੀ ਉਹ ਦੇਸ਼ ਵਾਸਤੇ
ਵਾਰ ਗਏ….
ਕਦੇ ਗ਼ੁਲਾਮੀ ਸਹਿੰਦੀਆਂ ਨਾ ਉਹ
ਜਾਗਦੀਆਂ ਨੇ ਜੋ ਜਮੀਰਾਂ
ਪੈਰੀਂ ਚਾਹੇ ਬੇੜੀਆਂ ਲੱਗਣ
ਭਾਵੇਂ ਜਕੜਨ ਹੱਥ ਜੰਜ਼ੀਰਾਂ
ਦੂਜਾ ਨਾ ਕੋਈ ਸਾਨੀ, ਉਹ ਦੇਸ ਵਾਸਤੇ
ਵਾਰ ਗਏ…
ਗੋਰੇ ਨੇ ਲਲਕਾਰ ਸੁਣੀ ਜਦ
ਲੰਡਨ ਤੀਕਰ ਹਿੱਲੀਆਂ ਤਾਰਾਂ
ਕਹਿੰਦੇ ਹੁਣ ਤਾਂ ਭੱਜਣਾ ਪੈਣਾ
ਤੁਰੇ ਭਾਰਤੀ ਬੰਨ੍ਹ ਕਤਾਰਾਂ
ਜਨਤਾ ਹੋਈ ਦੀਵਾਨੀ, ਹੁਣ ਦੇਸ਼ ਵਾਸਤੇ
ਵਾਰ ਗਏ ...
0 Comments