Punjabi Kavita/Poem "Padhan School Chale Ne" "ਪੜ੍ਹਨ ਸਕੂਲ ਚੱਲੇ ਨੇ " for kids and Students in Punjabi Language.

 ਪੜ੍ਹਨ ਸਕੂਲ ਚੱਲੇ ਨੇ 
Padhan School Chale Ne

ਪਾਈ ਜੋਟੀਆਂ ਸਕੂਲ ਵੱਲ ਜਾਂਵਦੇ 

ਦੇਖੋ ਰਾਹਾਂ ਵਿਚ ਟਹਿਲਦੇ ਨੇ ਜਾਂਵਦੇ 

ਪਾ ਕੇ ਵਰਦੀਆਂ ਕਰਕੇ ਤਿਆਰ, 

ਰੀਝਾਂ ਨਾਲ ਮਾਵਾਂ ਘੱਲੇ ਨੇ

ਫੜ ਹੱਥਾਂ ਵਿਚ ਫੱਟੀਆਂ ਤੇ ਬਸਤੇ, 

ਪੜ੍ਹਨ ਸਕੂਲੇ ਚੱਲੇ ਨੇ

ਜਦੋਂ ਜਾ ਕੇ ਜਮਾਤਾਂ ਵਿਚ ਬੈਠਦੇ 

ਇੰਜ ਲੱਗੇ ਜਿਵੇਂ ਫੁੱਲ ਹੋਣ ਮਹਿਕਦੇ 

ਕਦੇ ਲੜਦੇ ਤੇ ਕਦੇ 'ਕੱਠੇ ਪੜ੍ਹਦੇ,

ਸ਼ੌਂਕ ਇਨ੍ਹਾਂ ਦੇ ਅਵੱਲੇ ਨੇ 

ਫੜ ਹੱਥਾਂ ਵਿਚ…

ਕਈ ਬੈਠੇ ਕਰੀ ਜਾਂਦੇ ਨੇ ਸ਼ਰਾਰਤਾਂ

ਕਈ ਆਪੋ ਵਿਚ ਪਾਉਂਦੇ ਨੇ ਬੁਝਾਰਤਾਂ

ਜੱਫੇ ਭਰਦੇ ਘਸੁੰਨ ਮੁੱਕੀ ਮਾਰਦੇ

ਇਹ ਹੁੰਦੇ ਦੇਖੋ ਉੱਤੇ ਥੱਲੇ ਨੇ

ਫੜ ਹੱਥਾਂ ਵਿਚ...

ਕੰਮ ਘਰ ਦਾ ਨਾ ਜਿਹੜੇ ਜਾਣ ਕਰਕੇ 

ਘੂਰ ਖਾ ਕੇ ਉਹੋ ਰੋਂਦੇ ਅੱਖਾਂ ਭਰਕੇ

ਕਦੇ ਰੁੱਸਦੇ ਤੇ ਝੱਟ ਮੰਨ ਜਾਂਦੇ ਨੇ

ਇਹ ਖਾਰ ਰੱਖਦੇ ਨਾ ਪੱਲੇ ਨੇ 

ਫੜ ਹੱਥਾਂ ਵਿਚ….