ਹਿੰਦੂ ਸਿੱਖ ਏਕਤਾ
Hindu Sikh Ekta
ਹਿੰਦੂ ਸਿੱਖ ਭਾਈ ਭਾਈ ਹੀ ਸਾਡੀਆਂ ਅਹੁਰਾ ਦਾ ਇਲਾਜ ਹੈ ॥ ਜਿਸ ਤਰ੍ਹਾਂ ਨਹੁੰਆਂ ਨਾਲੋਂ ਮਾਸ ਅਲੱਗ ਨਹੀਂ ਹੋ ਸਕਦਾ ਇਸੇ ਹੀ ਤਰ੍ਹਾਂ ਹਿੰਦੂ ਸਿੱਖ ਕਦੇ ਅਲੱਗ ਨਹੀਂ ਹੋ ਸਕਦੇ । ਵੈਸੇ ਵੇਖਿਆ ਜਾਵੇ ਤਾਂ ਪਹਿਲਾਂ ਸਭ ਤੋਂ ਵੱਡੇ ਪੁੱਤਰ ਨੂੰ ਸਿੱਖ ਹੀ ਬਣਾਇਆ ਜਾਂਦਾ ਸੀ । ਅੱਜ ' ਵੀ ਆਮ ਘਰਾਂ ਵਿਚ ਕਿਸੇ ਦੇ ਕੇਸ ਰੱਖੇ ਹੋਏ ਹਨ ਕਿਸੇ ਦੇ ਕੱਟੇ ਹੋਏ ਹਨ । ਇਹ ਰਿਸ਼ਤਾ ਕਦੀ ਵੀ ਅਲੱਗ ਥਲੱਗ ਨਹੀਂ ਹੋ ਸਕਦਾ । ਰਿਸ਼ਤੇਦਾਰੀਆਂ ਵਿਚ ਕੋਈ ਹਿੰਦੂ ਹੈ, ਕੋਈ ਸਿੱਖ ਹੈ ਇਸ ਵਿਚ ਕੋਈ ਫਰਕ ਨਹੀਂ ਹੈ ।
ਕੁੱਝ ਸ਼ਰਾਰਤੀ ਅਨਸਰਾਂ ਨੇ ਹਿੰਦੂ ਤੇ ਸਿੱਖਾਂ ਵਿਚ ਪਾੜਾ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਹ ਨਾਕਾਮ ਰਹੇ । ਭਰਾ ਭਰਾ ਵਿਚ ਨਫ਼ਰਤ ਖਿਲਾਰਨਾ ਪੀਣ ਵਾਲੇ ਪਾਣੀ ਵਿਚ ਜ਼ਹਿਰ ਘੋਲਣ ਦੇ ਬਰਾਬਰ ਹੈ । ਪਾਣੀ ਵਿੱਚ ਮਿਲਿਆ ਜ਼ਹਿਰ ਡੂੰਘੀ ਮਾਰ ਕਰਦਾ ਹੈ । ਨਫ਼ਰਤ ਮਨੁੱਖ ਨੂੰ ਪਾਗਲ ਹੀ ਨਹੀਂ ਕਰਦੀ ਬਲਕਿ ਮੌਤ ਦੇ ਘਾਟ ਉਤਾਰਦੀ ਹੈ । ਮੌਤ ਸੋਹਣੀਆਂ ਯਾਦਾਂ ਨਾਲ ਮਿੱਠੀ ਵੀ ਹੋ ਸਕਦੀ ਹੈ ਪ੍ਰੰਤੂ ਨਫ਼ਰਤ ਵਾਲੀ ਮੌਤ ਤੋਂ ਗਿਰਿਆ ਕੁੱਝ ਵੀ ਨਹੀਂ ਹੁੰਦਾ ।
ਪੰਜਾਬ ਦੀ ਧਰਤੀ ਦਾ ਆਪਣਾ ਹੀ ਰੰਗ ਤੇ ਵਿਸ਼ੇਸ਼ਤਾ ਹੈ । ਇੱਥੋਂ ਦੇ ਵਸਨੀਕ ਦੁਨੀਆਂ ਵਿਚ ਆਪਣੀ ਇੱਕ ਵੱਖਰੀ ਹੀ ਹੋਂਦ ਰੱਖਦੇ ਹਨ । ਇਸ ਦੀ ਧਰਤੀ ਉੱਤੇ ਹਿੰਦੂ ਵੀ ਅਤੇ ਸਿੱਖ ਵੀ ਰਹਿੰਦੇ ਹਨ ਜੋ ਆਪਸ ਵਿਚ ਭਰਾ ਭਰਾ ਹਨ । ਇਹ ਹਮੇਸ਼ਾਂ ਹੀ ਇਕੱਠੇ ਰਹਿੰਦੇ ਆ ਰਹੇ ਹਨ ਅਤੇ ਹਮੇਸ਼ਾ ਹੀ ਇਕੱਠੇ ਰਹਿਣਗੇ । ਕੋਈ ਤਾਕਤ ਬੇਸ਼ਕ ਇਨ੍ਹਾਂ ਨੂੰ ਕਿਤਨੀ ਵੀ ਲੜਾਉਣ ਦੀ ਕੋਸ਼ਿਸ਼ ਕਰੇ ਲੇਕਿਨ ਇਹ ਦੋਵੇਂ ਹਮੇਸ਼ਾਂ ਮੋਢੇ ਨਾਲ ਮੋਢਾ ਲਗਾ ਕੇ ਚੱਲਣਗੇ ਅਤੇ ਇਕ ਦੂਜੇ ਦੇ ਹਮੇਸ਼ਾਂ ਸਹਾਈ ਹੋਣਗੇ ।
ਸਾਡੇ ਦੇਸ਼ ਵਿਚ ਧਰਮ ਦੇ ਨਾਂ ਤੇ ਕੁੱਝ ਸ਼ਰਾਰਤੀ ਅਨਸਰ ਕਦੇ-ਕਦੇ ਅਜਿਹਾ ਸ਼ੋਸ਼ਾ ਛੱਡ ਦਿੰਦੇ ਹਨ ਜਿਸ ਦੀ ਅੱਗ ਇਕ ਵਾਰ ਜਰੂਰੀ ਭਟਕ ਤਾਂ ਪੈਂਦੀ ਹੈ। ਪੰਤੂ ਜਲਦੀ ਹੀ ਸ਼ਾਂਤ ਹੋ ਜਾਂਦੀ ਹੈ । ਅਜਿਹੇ ਸ਼ਰਾਰਤੀ ਲੋਕ ਆਪ ਅੱਗ ਲਗਾ ਕੇ ਪਿੱਛੇ ਹੋ ਜਾਂਦੇ ਹਨ ਅਤੇ ਵੱਖ ਵੱਖ ਧਰਮਾਂ ਦੇ ਲੋਕਾਂ ਨੂੰ ਲੜਵਾ ਦਿੰਦੇ ਹਨ । ਜਿਵੇਂ ਕਿ ਹਿੰਦੂ ਸਿੱਖਾਂ ਹਿੰਦੂ ਮੁਸਲਮਾਨਾਂ, ਸਿੱਖਾਂ ਤੇ ਮੁਸਲਮਾਨਾਂ ਨੂੰ ਧਰਮਾਂ ਦੇ ਨਾਂ ਤੇ ਵੰਡੀ ਪਾਉਣਾ | ਅੱਜ ਦੇ ਜ਼ਮਾਨੇ ਵਿਚ ਲੋਕ ਕਾਫ਼ੀ ਸਿਆਣੇ ਹੋ ਗਏ ਹਨ। ਅਤੇ ਉਹ ਹਰ ਗੱਲ ਨੂੰ ਬਰੀਕੀ ਨਾਲ ਸਮਝਦੇ ਹਨ |
ਹਿੰਦੂ ਸਿੱਖਾਂ ਦੇ ਆਪਸੀ ਰੀਤੀ ਰਿਵਾਜ ਤੇ ਤਿਓਹਾਰ ਸਾਂਝੇ ਹਨ । ਬਹੁ ਬੇਟੀਆਂ ਦੀ ਆਪਸੀ ਸਾਂਝ ਹੈ । ਫਿਰ ਕੋਣ ਇਨਾਂ ਨੂੰ ਵੱਖ ਵੱਖ ਕਰ ਸਕਦਾ ਹੈ। ਤਿਓਹਾਰਾਂ ਨੂੰ ਮਨਾਉਣ ਵਿਚ ਦੋਹਾਂ ਦੀ ਆਪਸੀ ਸਾਂਝ ਨੂੰ ਕਦੇ ਭੁਲਾਇਆ ਨਹੀਂ ਜਾ ਸਕਦਾ । ਕਿਸੇ ਵੀ ਸਥਾਨ ਦੇ ਵੇਖ ਲਊ ਉਥੇ ਹਿੰਦੂ ਅਤੇ ਸਿੱਖ ਇਕੱਠੇ ਦਿਖਾਈ ਦੇਣਗੇ । ਕੌਣ ਕਹਿੰਦਾ ਹੈ ਕਿ ਹਿੰਦੂ ਸਿੱਖ ਦੋ ਹਨ । ਇਹ ਦੋਵੇਂ ਹਮੇਸ਼ਾਂ ਇਕੱਠੇ ਰਹਿੰਦੇ ਸਨ ਅਤੇ ਹਮੇਸ਼ਾ ਹੀ ਇਕ ਰਣਗੇ
0 Comments