ਦਰਬਾਰ ਸਾਹਿਬ
Darbar Sahib
ਪੰਜਾਬ ਦੇ ਪਾਵਨ ਅਤੇ ਪਵਿੱਤਰ ਧਰਤੀ ਮਹਾ-ਪੁਰਖਾਂ ਦੀ ਚ ਛੋਹ ਨਾਲ ਪਵਿੱਤਰ ਅਤੇ ਮਹਾਨ ਹੋ ਗਈ । ਇੱਥੋਂ ਦੇ ਧਾਰਮਿਕ ਅਸਥਾਨ ਆਪਣੀ ਇਤਿਹਾਸਕ ਅਤੇ ਗੌਰਵਮਈ ਮਹਾਨਤਾ ਅਤੇ ਸ਼ਾਨ ਲਈ ਪਸਿੱਧ ਹਨ । ਸਾਡੇ ਦੇਸ਼ ਦੇ ਅਣਗਿਣਤ ਧਾਰਮਿਕ ਸਥਾਨਾਂ ਵਿੱਚੋਂ ਇਕ ਦਰਬਾਰ ਸਾਹਿਬ ਹੈ ।
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਚ ਸ੍ਰੀ ਅੰਮ੍ਰਿਤਸਰ ਦੀ ਉਪਮਾ ਬਾਰੇ ਲਿਖਿਆ ਹੈ-“ਅੰਮ੍ਰਿਤਸਰ ਸਿਫ਼ਤੀ ਦਾ ਘਰ ।” ਇਸ ਵਾਕ ਪਤਾ ਲੱਗਦਾ ਹੈ ਕਿ ਇਸ ਸ਼ਹਿਰ ਦੀ ਬਹੁਤ ਮਹਾਨਤਾ ਹੈ । ਇਸ ਸ਼ਹਿਰ ਨੂੰ ਪਹਿਲਾਂ ਪਹਿਲ ਸ੍ਰੀ ਗੁਰੂ ਰਾਮ ਦਾਸ ਜੀ ਨੇ ਵਸਾਇਆ ਸੀ ਅਤੇ ਉਸ ਵੇਲੇ ਇਸ ਦਾ ਨਾਂ ‘ਚੱਕ ਰਾਮ ਦਾਸ ਜੀ’ ਰੱਖਿਆ ।
ਇਸ ਸ਼ਹਿਰ ਦੀ ਪ੍ਰਸਿੱਧੀ ਹਰਿਮੰਦਰ ਸਾਹਿਬ ਕਰਕੇ ਹੈ । ਹਰਿਮੰਦਰ ਸਾਹਿਬ ਦੀ ਨੀਂਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਨੇ ਸਾਈਂ ਮੀਆਂ ਮੀਰ, ਇਕ ਸੂਫ਼ੀ ਫ਼ਕੀਰ ਤੋਂ ਰਖਵਾਈ ਸੀ । ਹਰਿਮੰਦਰ ਸਾਹਿਬ ਇਕ ਵੱਡੇ ਤਲਾਅ ਦੇ ਵਿਚਕਾਰ ਹੈ । ਮੰਦਰ ਦੇ ਉਪਰਲੇ ਹਿੱਸੇ ਉੱਤੇ ਸੋਨੇ ਦਾ ਪਤਰਾ ਚੜਿਆ ਹੋਇਆ ਹੈ । ਇਸ ਦਾ ਸੁਨਹਿਰੀ ਅਕਸ ਸਰੋਵਰ ਦੇ ਪਾਣੀ ਵਿਚ ਪੈਦਾ ਹੈ । ਮੰਦਰ ਦੇ ਛੋਟੇ-ਛੋਟੇ ਗੁੰਬਦ ਬੜੀ ਹੀ ਸ਼ੋਭਾ ਦਿੱਦੇ ਹਨ । ਸਰੋਵਰ ਦੇ ਲਹਿੰਦੇ ਪਾਸੇ ਵੱਲ ਕੰਢੇ ਤੋਂ ਇਕ ਲੰਮੇ ਪੁੱਲ ਦਾ ਰਸਤਾ ਹਰਿਮੰਦਰ ਸਾਹਿਬ ਤੱਕ ਜਾਂਦਾ ਹੈ ।
ਦਰਸ਼ਨੀ ਡਿਉੜੀ ਦੇ ਸਾਹਮਣੇ ਅਕਾਲ ਤਖ਼ਤ ਦੀ ਇਮਾਰਤ ਹੈ। ਜਿਸ ਨੂੰ ਛੇਵੇਂ ਗੁਰੂ ਹਰਿ ਗੋਬਿੰਦ ਸਾਹਿਬ ਨੇ ਬਣਵਾਇਆ ਸੀ । ਪਰ 3 ਜੂਨ 1984 ਦੇ ਬਲਿਊ ਸਟਾਰ ਅਪ੍ਰੇਸ਼ਨ ਵੇਲੇ ਇਸ ਇਮਾਰਤ ਨੂੰ ਮਿਲਟਰੀ ਤੋਪਾਂ ਨੇ ਢਾਹ ਸੁੱਟਿਆ ਸੀ । ਜਿਸ ਨੂੰ ਇਕ ਮਹੀਨੇ ਦੀ ਜੰਗੀ ਪੱਧਰ ਨਾਲ ਉਸਾਰੀ ਕਰਵਾ ਕੇ ਬਣਵਾ ਦਿੱਤਾ ਸੀ ।
ਹਰਿਮੰਦਰ ਸਾਹਿਬ ਦੇ ਬਿਲਕੁਲ ਸਾਹਮਣੇ ਚੜਦੇ ਪਾਸੇ ਦੁੱਖ ਭੰਜਣੀ ਬੇਰੀ ਹੈ । ਆਖਿਆ ਜਾਂਦਾ ਹੈ ਕਿ ਇਥੇ ਇਕ ਛੱਪੜੀ ਸੀ ਜਿਸ ਵਿਚ ਇਸ਼ਨਾਨ ਕਰਨ ਵਾਲੇ ਕਾਲੇ ਕਾਂ ਚਿੱਟੇ ਹੋ ਜਾਂਦੇ ਸਨ । ਬੀਬੀ ਰਜਨੀ ਦੇ ਪਿੰਗਲੇ ਪਤੀ ਨੇ ਜਦੋਂ ਇਸ ਛੱਪੜੀ ਵਿਚ ਜਾ ਇਸ਼ਨਾਨ ਕੀਤਾ । ਤੇ ਉਸ ਦਾ ਸਰੀਰ ਅਰੋਗ ਹੋ ਗਿਆ । ਇਹ ਹਰਿਮੰਦਰ ਸਾਹਿਬ ਉਸੇ ਥਾਂ ਤੇ ਸ੍ਰੀ ਗੁਰੂ ਰਾਮ ਦਾਸ ਜੀ ਨੇ ਬਣਵਾਇਆ।
ਦਰਬਾਰ ਸਾਹਿਬ ਚੌਹਾਂ ਵਰਣਾਂ ਦਾ ਸਾਂਝਾ ਮੰਦਰ ਹੈ । ਇੱਥੇ ਸਭ ਨੂੰ ਸਮਾਨ ਸਮਝਿਆ ਜਾਂਦਾ ਹੈ । ਇਸ ਮੰਦਰ ਦੇ ਚਾਰ ਦਰਵਾਜ਼ੇ ਹਨ। ਜਿਸ ਦਾ ਭਾਵ ਹੈ ਕਿ ਇਹ ਹਰ ਕਿਸੇ ਲਈ ਖੁੱਲ੍ਹਾ ਹੈ। ।
ਦਰਬਾਰ ਸਾਹਿਬ ਵਿਚ ਗੁਰੂ ਰਾਮ ਦਾਸ ਜੀ ਦੇ ਲੰਗਰ ਦੀ ਨਵੀਂ ਇਮਾਰਤ ਬਣ ਗਈ ਹੈ, ਜਿੱਥੇ ਬੈਠ ਕੇ ਲੱਕਾਂ ਯਾਤਰੀ ਆਰਾਮ ਨਾਲ ਲੰਗਰ ਛੱਕਦੇ ਹਨ । ਹਰਿਮੰਦਰ ਸਾਹਿਬ ਦੇ ਸਾਹਮਣੇ ਗੁਰੂ ਰਾਮ ਦਾਸ ਦੀ ਸਰਾਂ ਹੈ ਜਿਥੇ ਯਾਤਰੀ ਅਰਾਮ ਕਰਦੇ ਹਨ । ਇਕ ਪਾਸੇ ਬਾਬਾ ਅਟਲ ਸਾਹਿਬ ਦਾ ਗੁਰਦੁਆਰਾ ਹੈ ।
ਦਰਬਾਰ ਸਾਹਿਬ ਦੀ ਯਾਤਰਾ ਕਰਕੇ ਮਨ ਨੂੰ ਸ਼ਾਂਤੀ ਅਤੇ ਖੁਸ਼ੀ ਪ੍ਰਾਪਤ ਹੁੰਦੀ ਹੈ ਇੰਝ ਪ੍ਰਤੀਤ ਹੁੰਦਾ ਹੈ ਜਿਵੇਂ ਅਸੀਂ ਸਵਰਗ ਵਿਚ ਅੱਪੜ ( ਗਏ ਹੋਈਏ । ਇਸੇ ਲਈ ਦਰਬਾਰ ਸਾਹਿਬ ਨੂੰ ਸੱਚਖੰਡ ਆਖਦੇ ਹਨ ।
0 Comments